Post Reply 
 
Thread Rating:
  • 0 Vote(s) - 0 Average
  • 1
  • 2
  • 3
  • 4
  • 5
loadshedding, becharay awaam aur wazeer bijli ka khandaan
04-26-2010, 07:51 PM
Post: #1
loadshedding, becharay awaam aur wazeer bijli ka khandaan
[Image: 1100923143-1.jpg]
[Image: 1100923143-2.gif]


http://www.express.com.pk
Find all posts by this user
Quote this message in a reply
04-26-2010, 08:49 PM
Post: #2
RE: loadshedding, becharay awaam aur wazeer bijli ka khandaan
خود راجہ فضیحت

رفیق ڈوگر ـ

اوروں کو نصیحت مگر خود؟ اس محاورے کا دوسرا حصہ کیا ہے جس بھی کسی نے روز رفتہ زر زور زرداری کے بجلی مہا راجہ اور پنجاب کے اعلیٰ ترین خادم کو تاجروں اور عام لوگوں کو قومی جذبے اور ایثار کا مظاہرہ کرنے کا مشترکہ مشورہ دیتے دیکھا سنا تھا اس کو ضرورت ہے اس قدیم محاورے کا دوسرا حصہ بتانے کی؟ جب پورے ملک میں لوگ شدید گرمی میں جل رہے تھے تو وہ دونوں کوٹ زیب تن و توش کر کے قومی جذبے اور ایثار کا شدید مظاہرہ کرتے دیکھے گئے تھے۔ ایسے ہی جیسے بقول خادم اعلیٰ پنجاب وزیر اعظم کی جنگی بنیادوں پر بلائی قومی توانائی کانفرنس کے ہر قسم اور ہر جنس کے شرکاءتین روز تک شدید گرمی میں کوٹ پہن پہن کر قومی جذبے اور ایثار کا مظاہرہ کرتے رہے تھے۔ خادم اعلیٰ نے تو اپنے وزیر اعظم کا اس ایثار و قربانی کے لئے شکریہ ادا کر دیا تھا کیا آپ عوام پر لازم نہیں ان دونوں کا شکریہ ادا کرنا؟ وزیر اعظم سید یوسف رضا گیلانی کا جنگی بنیادوں پر بجلی کے خلاف جنگ لڑنے پر اور خادم اعلیٰ کا جنگی بنیادوں پر ان کا شکریہ ادا کرنے پر پورا محاورہ ہے ”اوروں کو نصیحت خود ملا فضیحت“ جو خادم اعلیٰ کے حوالے سے ”اوروں کو نصیحت اور خود میاں فضیحت“ اور بجلی راجہ کے حوالے سے ”اوروں کو نصیحت اور خود راجہ فضیحت“ دیکھا گیا تھا ۔ اس سے پہلے راجہ بجلی پرویز اشرف نے اہل میڈیا کو اپنے کوٹ کی سلائی دھلائی دکھانے کے دوران بھی ملک کے عوام کو یہی مشورہ دیا تھا کہ ”بجلی کی کمی پر چیخ و پکار نہ کریں بلکہ قومی جذبے اور ملک سے محبت کا مظاہرہ کریں“ اور نفس کسری سے کام لیتے ہوئے یہ نہیں فرمایا تھا کہ ”جس طرح آصف علی زرداری قومی جذبے اور ملک سے محبت کی وجہ سے اپنا سرمایہ بیرون ملک سے واپس نہیں لا رہے اور اپنے بچوں کی تعلیم تک کے بوجھ اندرون ملک کے کسی استاد استانی پر نہیں ڈال رہے“ وہ اپنے آقا و مولیٰ کے اس قومی جذبہ و ایثار کی مثال پیش کرتے تو روک سکتے تھے انہیں خادم اعلیٰ پنجاب اور ان کے قائد بھائی؟ لیکن شاید راجہ بجلی کو احساس تھا کہ اگر کسی نے جواب دیا یا پوچھ لیا کہ ”ہم تو اپنا اور اپنے بچوں کا پیٹ بھی خادم اعلیٰ کے تندور سے ہی سستی روٹی خرید کر بھرتے ہیں۔ آپ کے آقا جیسے قومی جذبے کا مظاہرہ کرنے کیلئے بیرونی بنکوں میں جمع کرانے اور اپنے بچوں کو بیرون ملک پڑھانے کے لئے پیسہ دھیلا کہاں سے لائیں۔ ہم تو چوری‘ کرپشن بھی نہیں کر سکتے کہ ہم عوام ہیں اور ایسے قومی جذبے کے مظاہرے پر ہمیں کوئی قانونی استثنٰی بھی حاصل نہیں“ تو وہ یہ بھی نہیں کہہ سکیں گے کہ امیر ترین آصف علی زرداری جیسے نہیں تو ملک کے تیسرے ان کے امیر ترین شریفین بھائیوں جیسے ہی قومی جذبے اور ایثار کا مظاہرہ کرو۔ خادم اعلیٰ کے ساتھ مل کر ایسا مشورہ تو انہیں ابھی دینا اور دہرانا تھا۔ خادم اعلیٰ پنجاب اس سہ روزہ جنگی کانفرنس سے لائے کیا ہیں اپنے عوام کے لئے اس مشورے کے علاوہ؟ وہی پیغام انقلاب جس سے انہوںنے اقبال کانفرنس کے شرکاءکو بھی آگاہ فرمانا لازم جانا تھا؟ مگر ایسا انقلابی اعلامیہ تو وہ ہر روز جاری فرماتے رہتے ہیں۔ محلوں میں رہنے والے کمیونزم کے پرچار کر انقلابیوں کے بارے میں مذاق ہوتا تھا کہ ”محلوں میں رہ کر جھونپڑیوں کے خواب دیکھنے والے انقلابی کمیونزم کے علمبردار روس کا کریا کرم ہوا تو اور ایسے سب انقلابیوں نے عدت کی مدت بھی پوری نہیں کی تھی اور سرمایہ داری کے علم بردار امریکہ کے ساتھ عقد وعقدی ہو گئے تھے اس وقت سے وہ سب اپنے ماضی پر آپ ہی تھو! تھو! کر کے اپنی اپنی انقلابیت کے پاپی پیٹ پالتے آ رہے ہیں۔ جس طبقہ کو خادم اعلیٰ پنجاب انقلاب سے ڈرا دھمکا رہے تھے وہ ہے کونسا طبقہ وہی طبقہ تو نہیں جس میں بڑی محنت شاقہ و فاقہ سے وہ خود شامل ہوئے ہیں؟ وہی طبقہ جس کے وہ نمائندہ اور خادم اعلیٰ ہیں وہی جس سے تعلق رکھنے والے شدید گرمی میں بھی بھاری کوٹ پہن پہن کر وعظ و نصیحت کرتے آئے ہیں اور کرتے پھرتے ہیں؟ وہی جن کے بچے باہر پڑھتے ہیں وہی جن کا دھن دولت بیرونی ممالک کے بنکوں میں ہی محفوظ رہ سکتا ہے وہی جن کا علاج بھی ان کے زیر حکمرانی ملک کے کسی ہسپتال میں نہیں ہو سکتا وہی جن کے بیرون ملک میں دوبئی تا لندن کاروبار ہیں۔ محلات ہیں اور وہ سب کچھ انہوں نے اس ملک کی خدمت بزنس سے کمایا ہوا اور بیرون ملک پہنچایا ہوا ہے؟ کر سکتے ہیں ملک کے بے بس اور بے کس عوام ایسے قومی جذبے اور ایثار کا مظاہرہ؟ نام انقلاب کا اور کام؟ نام اقبال کا اور عمل؟ کر سکتا ہے کوئی بھی اقبال کی تعلیمات و نظریات سے تھوڑا سا بھی آگاہ بندہ بشر گاندھی کے پیروکاروں اور اس کی گدی کے نشینوں سے کوئی نظریاتی سمجھوتہ؟ جس انقلاب کا خواب اقبال نے دیکھا تھا وہ کیسے آ سکتا ہے؟ اقبال کے مرشد رومی کے الفاظ میں تو نسخہ انقلاب نو ہے کہ:
اول آں بنیاد را ویراں کنند
یعنی اس کے لئے موجود ظلم اور نا انصافی کے نظام کو بنیادوں تک اکھاڑ پھینکنا لازم ہے۔ وہ کیا پنجابی محاورہ ہے کہ ” گلیں وڈی میں تے کرتو تیں وڈی کوئی ہور“ انقلاب آتا ہے تو کل کو آنا آج ہی آ جائے اس کے بغیر نہ اقبال کا خواب پورا ہو سکتا ہے نہ ملا فضیحتوں سے نجات مل سکتی ہے اس قوم نے اقبال کی بتائی راہ پر چلتے ہوئے قومی جذبہ اور ایثار سے ایک ملک حاصل کر لیا تھا اور پھر اس ملک پر اقبال کے دشمنوں کا قبضہ ہو گیا تھا۔ ایسے دشمن جو اقبال کے نام پر اقبال کی توہین کرتے آ رہے ہیں اور اس کی مقدس تعلیمات کو بھی ہمارے کماو بزنس کا ذریعہ بنائے ہوئے ہیں اس قوم اور ملک کو اقبال دشمنوں سے بچانے کے لئے واقعی انقلاب کی شدید ضرورت ہے۔


nawaiwaqt.com.pk
Find all posts by this user
Quote this message in a reply
Post Reply 


Possibly Related Threads...
Thread: Author Replies: Views: Last Post
  Gwadar: Mekraan Declared "Loadshedding Free" LRE 1 5,410 03-07-2012 11:56 PM
Last Post: LRE
  Loadshedding ka Azaab LRE 7 26,005 06-20-2011 08:47 PM
Last Post: LRE
  Loadshedding & PEPCO Financial Crisis: Why? LRE 0 4,213 06-20-2011 08:45 PM
Last Post: LRE
  ‘Textile mills exempted from loadshedding’ Lahore_Real_Estate 0 3,648 11-24-2010 04:56 PM
Last Post: Lahore_Real_Estate
  Bijli, Railway, Sach: Sab Band! LRE 0 3,847 07-20-2010 12:03 AM
Last Post: LRE
  Dr AQ Khan, Atom Bomb & Loadshedding LRE 0 4,205 06-22-2010 07:15 PM
Last Post: LRE
  Maulana Fazal-ur-Rehman kay Laad aur Wazeer-a-Mazhbi Amoor LRE 0 4,594 06-11-2010 12:34 AM
Last Post: LRE
  Massive Loadshedding Force people to Protest LRE 0 4,106 05-04-2010 07:05 PM
Last Post: LRE
  Loadshedding: Marz Barhta gaya joon joon dawa ke LRE 0 4,144 05-04-2010 06:33 PM
Last Post: LRE
  MuzaffarGarh: Jamshed dasti, Ghulam Mustafa Khar aur Awaam! LRE 0 5,537 04-30-2010 09:42 AM
Last Post: LRE
  Loadshedding can be Eliminated! LRE 2 7,656 04-25-2010 01:30 PM
Last Post: LRE
  bholay baalay awaam...dakoon kay gheray main LRE 0 3,701 04-11-2010 11:31 PM
Last Post: LRE
  Awaam kay Khawab aur Hukamranon kay Khawab LRE 0 2,717 02-22-2010 10:36 PM
Last Post: LRE
  Asian Development Bank & Loadshedding: Sharam Tum Ko Magar Naheen Aati... LRE 0 4,147 01-26-2010 11:50 AM
Last Post: LRE
  Gas Loadshedding, Energy Crisis & Concerned Authorities LRE 3 7,279 01-14-2010 04:39 PM
Last Post: LRE
  Loadshedding, Long Queues for Fuel, Poor Infrastructure & Plenty of Natural Reserves LRE 0 3,769 01-13-2010 03:22 PM
Last Post: LRE
  Raise tariff to end loadshedding: US Naveed Yaseen 0 3,711 11-06-2009 06:04 AM
Last Post: Naveed Yaseen
  Pervez Ashraf predicts massive decline in loadshedding LahoreEstate 0 3,676 10-05-2009 05:43 AM
Last Post: LahoreEstate
  Loadshedding, power tariff increase breaks the back of people LahoreEstate 0 3,670 10-04-2009 04:52 AM
Last Post: LahoreEstate
  Taajir Hukamraan aur Gahak Awaam LRE 0 2,795 08-25-2009 08:26 AM
Last Post: LRE

Forum Jump:


User(s) browsing this thread: 1 Guest(s)